• ‘Celebración’, de Gonzalo Hermo
  • ‘Celebración’, de Gonzalo Hermo
  • ‘Celebración’, de Gonzalo Hermo

Últimos eventos

ajax-loader

‘Livros que nom lê ninguém’, de Isaac Lourido

O vindeiro venres, 9 de xaneiro, ás 20 horas, terá lugar a presentación de Livros que nom lê ninguém. Poesia, movimentos sociais e antagonismo político na Galiza. Con Isaac Lourido estará a profesora e crítica literaria, Ana Salgado.
Aquí podedes ler unha recensión do libro por Armando Requeixo.  Aquí a entrevista que Montse do Pico realizou ao autor, de onde tiramos esta declaración:
“Se a normalidade passa pelo paradoxo de que sejam as instituições públicas a planificar umas indústrias e um mercado cultural (e até a heterodoxia do sistema, como aconteceu com a nomeação de Lois Pereiro para o Dia das Letras Galegas de 2011) ou, noutro âmbito, pela promoção indiscriminada de qualquer produto que empregue a língua galega, a nossa cultura está condenada à desaparição num mundo em que não será capaz de marcar as suas próprias regras de funcionamento (a isso é ao que chamamos “autonomia”). A minha aposta pela diferença é, na verdade, uma aposta de fundo pela implementação de valores alternativos aos do capitalismo e aos do sistema cultural espanhol”

Livros que nom lê

 

Obradoiro de Musicoterapia

O vindeiro sábado, 27 de decembro, teremos un obradoiro de MUSICOTERAPIA en dúas sesións:
De 17 a 18h, para nenas e nenos desde os 4 anos.
De 18 a 19h, para bebés (de 0 a 3 anos) acompañados polos seus pais ou titores.

A musicoterapia consiste no uso da música dentro dunha estrutura organizada de traballo cun fin terapéutico. É unha disciplina que permite o autocoñecemento de nós mesmas. Nestes obradoiros empregaremos a voz, no canto; o corpo, na danzaterapia, con harmonías e cancións alegres facendo exercicios de sociabilización; o oído, nas audicións, compartindo experiencias con enerxía positiva a través das letras das cancións. Tamén faremos exercicios de respiración e relaxación.

Musicoterapia

‘Capitalismo y Economía Mundial’, Xabier Arrizabalo

O vindeiro sábado 20 de decembro, ás 20 horas, chega ao Bou Eva Capitalismo y Economía Mundial.
No presente libro, o economista Xabier Arrizabalo desenvolve unha aproximación ao significado do imperialismo e ao seu percorrido histórico como estadio superior do capitalismo.
Proponse, ademais, unha invitación á discusión e ao debate sobre a fuxida cara a adiante na que o sistema nos envolveu con elevados custos para o 99% da sociedade.
O texto que se presenta non fala desde a asepsia política, senón que aporta elementos para a intervención.

Arrizabalo en Galicia

Poesía e Teatro no Bou Eva

No Bou Eva comezaremos en xaneiro o curso de teatro e máis o obradoiro de escritura poética. Sen pago de matrícula e cunha mensualidade que destinada integramente para as docentes.

Marta Pérez: Actriz, creadora escénica e produtora teatral. Licenciada en Filosofía pola Universidade de Santiago de Compostela. Directora de Inversa Teatro- nacida en 2009- coa que leva cinco producións teatrais: Expostas- da que é co-autora e que foi publicada pola Revista Galega de Teatro, Kamouraska, Paper Dolls, Té con Kant, tamén co-escrita por ela xunto con María Caparrini e Fémina Sapiens de autoría propia. Inversa levouna a realizar xiras por Brasil, Colombia, México, Venezuela e Portugal tanto no 2012 coma no 2013 e 2014 con Kamouraska, Té con Kant e Fémina Sapiens. Estudou interpretación nas escolas Santart e Espazo Aberto de Santiago de Compostela.

María N. Soutelo: Licenciada en Historia pola USC. Participou no proxecto literario “AugasVerso”, folla voandeira de poesía do Concello de A Estrada, e na coletánea Poesía Contemporánea Tabeirós-Terra (Edicións Fervenza, 2005). No ano 2008, veu a luz o seu primeiro poemario Código Poético (XX Premio de Poesía “Eusebio Lorenzo Baleirón”, Concello de Dodro), da man da editorial Sotelo Blanco. Recentemente, vén de saír do prelo Nestes días, un libro que autora gusta de presentar desenvolvendo un taller poético con e para o público.

Teatro-Poesía

Presentación “Nestes días”, María N. Soutelo

O vindeiro venres 5 de decembro, ás 20h, presentación con obradoiro de poesía e algunha sorpresa doce, de Nestes días, último libro de María N. Soutelo

Para o taller de poesía, imos necesitar que cadaquen traiades convosco unha caixa de cartón, a ser posible, lisa, e que escollades un par (ou tres, ou todos!) de items da lista que vos deixamos a continuación:
*1 prenda de roupa
*1 fotografía
*1 obxecto persoal (un amuleto, unha xoia…)
*1 texto ou un fragmento dun (poesía ou prosa)
*1 especia ou un aroma
Teñen que ser obxectos importantes para vós, polo vencello emocional que vos una, polos sentimentos e recordos que evocan.
Traede tamén bo ánimo e inspiración.
Os lápices de cores corren por conta da autora :)

1484062_10152494784013310_6384725513804952386_o

Obradoiro de COMUNICACIÓN E EXPRESIÓN EN PÚBLICO

O vindeiro sábado 22, ás 17:30 horas: Obradoiro de COMUNICACIÓN E EXPRESIÓN EN PÚBLICO
Co profesor Manuel Igrexas

Finalidade: Desenvolver e mellorar as habilidades de comunicación para expresarse mellor diante do público, de tal maneira que a mensaxe chegue de xeito máis eficaz. Descobrer a importancia da comunicación verbal e non verbal a través do control adecuado da voz, da vocalización e da linguaxe xestual.
Como me vexo e como me proxecto?
Debilidades e habilidades, Técnicas da comunicación oral, Estrutura do discurso, Seguridade, postura corporal, intensidade, entoación, capacidade de improvisación…

Quen imparte: Manuel Igrexas é profesor de Filosofía no IES Laxeiro, de Lalín. Baixo a súa dirección e entrenamento, o alumnado do mesmo centro leva conseguido brillantes resultados nos concursos de debate Parlamento Xove.

10293775_10152494970718310_2325571231455851913_o

Obradoiro de Igualdade

O vindeiro sábado, 15 de novembro, ás 10:00 am, a Área de Muller de Esquerda Unida – Vigo impartirá un obradoiro aberto sobre Igualdade a cargo de Rubén Torres, psicopedagogo e investigador na construción das masculinidades. Estamos todxs convidadxs:

1506896_505905376178720_2256313537485551003_n

Noite dos defuntos

Este venres a partir das 20h no Bou Eva vén disfrutar das castañas, das chulas e dalgún que outro conto de medo.

Coas panderetas intentaremos afastar ao espritos que anden a facer o mal polo Tercio de Fóra.

noite defuntas copy