‘Palestras’

‘Capitalismo y Economía Mundial’, Xabier Arrizabalo

O vindeiro sábado 20 de decembro, ás 20 horas, chega ao Bou Eva Capitalismo y Economía Mundial.
No presente libro, o economista Xabier Arrizabalo desenvolve unha aproximación ao significado do imperialismo e ao seu percorrido histórico como estadio superior do capitalismo.
Proponse, ademais, unha invitación á discusión e ao debate sobre a fuxida cara a adiante na que o sistema nos envolveu con elevados custos para o 99% da sociedade.
O texto que se presenta non fala desde a asepsia política, senón que aporta elementos para a intervención.

Arrizabalo en Galicia

De cara ao 29-N

Velaquí algunhas imaxes do acto do sábado, arredor do 29-N Ocupa o Obradoiro. A compañeira Águeda Estévez, das Xuventudes Comunistas, interviu desde o punto de vista da mocidade e da educación; a compañeira Tareixa Otero, activista da muller a e ecoloxista, analizou a importancia de asistir o 29-N a Compostela desde o punto de vista da loita feminista e da defensa do territorio e, tamén, Manolo Camaño, secretario xeral da Central Unitaria de Traballadores/as, referiuse á importancia desta convocatoria desde un punto de vista global, para o conxunto da clase traballadora.

O 29-N imos tomar o Obradoiro!

10694191_301260986732525_862294496479500956_o

1781634_301262870065670_1201197787384126720_o

 

10631283_301261666732457_1573253375742878441_o10679788_301262533399037_4726158577861120987_o10644129_301262580065699_3041965511210591130_o
10712488_301262860065671_6880265205850391047_o
10668712_301261346732489_945328045655900939_o

29-N: OCUPA O OBRADOIRO

A estratexia do poder económico é clara: crean una crise e a utilizan para que o pobo perda dereitos e, cando xa non os teñamos, entón dirán que a crise rematou, pero eses dereitos nunca volverán se non loitamos por eles, se non botamos fóra do goberno a toda esa panda de mafiosos, corruptos e ladróns, se non facemos que o poder sexa do pobo e non das elites económicas.

O 22M enchemos as rúas de Madrid para amosar a nosa dignidade e o 29 de Novembro estaremos na praza do Obradoiro, onde traballaban os canteiros, para loitar polo que é noso e para chamar a todas as persoas a que loiten con nós para ter PAN, TRABALLO e TEITO.

O sábado 27, ás 20:30 horas, participa na XUNTANZA ABERTA das Marchas da Dignidade que imos celebrar coa finalidade de coñecérmonos, manifestar as nosas dúbidas, fomentar as nosas ilusións, debater as nosas reivindicacións desde distintos puntos de vista: somos a clase traballadora expoliada, a xente moza condenada ao desemprego ou expulsada do seu país, as mulleres combativas, o pobo galego solidario e consciente que defende o seu dereito á vida digna.

O sábado 27: acude ao Bou Eva: AS MARCHAS DA DIGNIDADE OCUPAN O OBRADOIRO

Cartel bou eva

Que esconde a pelota?

O venres 4 de xullo, a partir das 21 h., o Bou Eva participa da estrea, en Galiza, da serie documental “Que esconde a pelota?”, sobre as consecuencias no Brasil do mundial de fútbol 2014, máis alá do beneficio para os grandes magnates e poderes económicos do país. Ao remate haberá un debate distendido sobre o mesmo tema do documental.

Un punto de encontro para todas aquelas voces a favor e en contra da repercusión que ten un evento destas caracteristicas no pobo.

Experiencias da represión

O vindeiro venres, 6 de xuño, ás 20:30 h., contaremos con dúas testemuñas da represión de onte o hoxe: Francisco Rodríguez Veloso, encarcerado no réxime franquista e Aroha Nicolás García, represaliada polo réxime burgués do 78.
O aparato do Estado continúa expandindo as súas ferramentas fronte á resistencia contestataria, semella que o que se constrúe de costas ao pobo só pode sosterse contra o pobo.

Dous galegos na República Democrática Popular de Corea

Se hai un espazo político cuestionado no mundo, de dereita a esquerda, ese é a República Democrática Popular de Corea, coñecida como Corea do Norte.
O vindeiro sábado 31 de maio, ás 20:30 h., o xornalista Gustavo Luca de Tena e mais Anxo Benigno López estarán connosco para compartir as súas impresións sobre este país afastado e descoñecido, sen que o descoñecemento impida a burla e a difamación desde orgullosas “democracias” capitalistas. Discutamos.

Marchas da dignidade: un mes despois

Sábado 19 de abril, ás 20:30 h.: Marchas da Dignidade – un mes despois.
Con Manolo Camaño (CUT), Estela Miller (Esquerda Unida) e X. Carlos Costoya (Sindicato Ferroviario).
O pasado 22 de marzo, en Madrid, tivo lugar unha masiva mobilización unitaria e contundente contra as políticas que atentan os dereitos humanos a xustiza social. Unha mobilización contra o pago da débeda, polo emprego digno, polas liberdades democráticas, contra os recortes, a represión e a corrupción, por unha sociedade de homes e mulleres libres, unha mobilización contra un sistema, un réxime e uns gobernos que nos agreden e non nos representan.  As Marchas continúan.

Historia do centro social Tabacalera

O vindeiro sábado 12 de abril, ás 20:30h, terá lugar no local do Bou Eva un encontro con Silvia Villar, procedente do centro social Tabacalera, de Lavapiés (Madrid), no que intercambiaremos experiencias das relacións coa veciñanza e proxectos de traballo no ámbito do asociacionismo de base.
Para desenvolver ese debate, animamos á participación dos distintos centros sociais da cidade, desde os seus distintos ámbitos de actuación e puntos de vista, coa finalidade de chegarmos a conclusións enriquecedoras para todas.