‘Teatro’

Pepe Sendón presenta “Falando claro”

 

O venres 13 de marzo ás 20:30h Pepe Sendón fará unha presentación audiovisual do seu libro “Falando claro” baseado na historia do anarquista Claro Sendón Lamela (Louro 1897- NY 1937).

FCBOUEVA

FILO-CAFÉ: A MÁSCARA

MÁSCARA

Un filo-café é un encontro libre e gratuíto, un espazo público de troca de pensamento e artes que se organiza arredor dun tema previamente escollido. Nel pode inscribirse calquera persoa que desexe facer unha intervención relacionada co tema escollido, indicando nome, lugar de orixe e área de intervención.
Neste filo-café quen queira ler un texto arredor do tema “a máscara” (nas súas diferentes interpretacións), crear un texto, traballo plástico ou musical, performance, danza… ou simplemente compartir algunha información, reflexión ou opinión que se relacione co tema proposto, poderá facelo.

As inscricións destínanse ás participacións artísticas, remitindo un correo a acboueva@gmail.com
Quen asista como público ou queira trocar ideas durante o filo-café non necesita inscrición previa.

Poesía e Teatro no Bou Eva

No Bou Eva comezaremos en xaneiro o curso de teatro e máis o obradoiro de escritura poética. Sen pago de matrícula e cunha mensualidade que destinada integramente para as docentes.

Marta Pérez: Actriz, creadora escénica e produtora teatral. Licenciada en Filosofía pola Universidade de Santiago de Compostela. Directora de Inversa Teatro- nacida en 2009- coa que leva cinco producións teatrais: Expostas- da que é co-autora e que foi publicada pola Revista Galega de Teatro, Kamouraska, Paper Dolls, Té con Kant, tamén co-escrita por ela xunto con María Caparrini e Fémina Sapiens de autoría propia. Inversa levouna a realizar xiras por Brasil, Colombia, México, Venezuela e Portugal tanto no 2012 coma no 2013 e 2014 con Kamouraska, Té con Kant e Fémina Sapiens. Estudou interpretación nas escolas Santart e Espazo Aberto de Santiago de Compostela.

María N. Soutelo: Licenciada en Historia pola USC. Participou no proxecto literario “AugasVerso”, folla voandeira de poesía do Concello de A Estrada, e na coletánea Poesía Contemporánea Tabeirós-Terra (Edicións Fervenza, 2005). No ano 2008, veu a luz o seu primeiro poemario Código Poético (XX Premio de Poesía “Eusebio Lorenzo Baleirón”, Concello de Dodro), da man da editorial Sotelo Blanco. Recentemente, vén de saír do prelo Nestes días, un libro que autora gusta de presentar desenvolvendo un taller poético con e para o público.

Teatro-Poesía

SUPERMARKET, de Esther Carro d’Eguas

SUPERMARKET, de Esther Carro d’Eguas, baixo a dirección de Xavier Castiñeiras.
O vindeiro sábado 18 de outubro, ás 21 horas.
Entrada íntegra para a actriz: 3 euros.

Nas súas palabras:
“Estes versos frescos abordan temas de plena actualidade nun súper: as rutinas do traballo, o malgasto da comida, os ingredientes dos produtos ou os conservantes que poden chegar a ter, os tratamentos embelecedores das froitas e verduras… Dende un enfoque humorístico, pero crítico e satírico… E con moito amor polo medio”

10710606_718482594912725_6080194490997980190_n

Representación de ‘Falando claro’

Venres 26, ás 21 horas:

FALANDO CLARO trata de reconstruír a vida aventureira dun personaxe único a través dos textos que nos deixou. Por medio deles transitaremos pola Semana Tráxica arxentina, polos anos 20 neoiorquinos, polo crack de 1929 e a posterior Gran Depresión, pola vitalidade dos primeiros días da República e o agre Bienio Negro, por insólitos episodios do anarquismo galego, polos ominosos días previos á sublevación militar e, finalmente, pola Guerra Civil española.

A historia do anarquista de Louro, Claro José Sendón Lamela (1897-1937), nunha narración visual de Pepe Sendón, o venres 26 ás 21 horas. Taquilla íntegra para o autor.

10511432_10152388471823310_783760163500342266_o

Curso de teatro

cursoteatro1

Despois das vacacións retomamos as clases de teatro no Bou Eva con Marta Pérez de Inversa Teatro. Nas clases facemos todo tipo de exercicios de improvisación, voz, espacialidade, etc.

Anímate e anótate ás clases mandando un correo a acboueva@gmail.com

Comezamos o martes 7 de outubro, de 18h a 20h, neste mesmo horario continuaremos o resto do curso.

 

Representación de ‘Vulto’

Venres 11 de xullo, ás 21:30 horas:
Só durante dous meses de xira e para un número reducido de espectadores, a actriz Marián Bañobre, dende o humor e a excepcionalidade física do seu estado de xestación na última fase, compartirá unha experiencia única e inesquecible, un emocionante xogo para os sentidos que convida á reflexión sobre a existencia e orixe mesma do individuo, como un ser estraño e inexplicable.
Trátase dun microespectáculo moi orixinal, posto que está concibido expresamente a partir do estado de xestación da actriz. A duracón é de 15 min. Despois, haberá un colocoquio coa actriz sobre o proceso de creación.
O prezo é de 3 euros (taquilla íntegra para a creadora).

‘Té con Kant’ volve ao Bou Eva

Volven as prusianas Johanna e Theodora a poñer orde mundial despois de tanto escándalo… e farano no Bou Eva.

Se queres velas, Té con Kant regresa este venres 13  ás 21h. Gutten Abend!!

Té con Kant

Té con Kant é un proxecto experimental que conxuga a combinación entre o ensaio filosófico e a creación escénica xogando co humor e a ironía para obter unha peza de teatro íntimo. Nela, as súas actrices, María Roja e Marta Pérez, tentan exercer como axitadoras filosóficas coa pretensión de remover e promover a reflexión (e acción) do público asistente ao redor da problemática moral nos nosos días, así como examinar as vantaxes e inconvenientes morais da época ilustrada. Baixo o espectro do seu amigo, o filósofo Inmanuel Kant, exploran o porqué do fracaso da ilustración e a súa absoluta confianza na razón humana para dar paso á nosa época post-moderna na que predomina o fragmento e a decepción.
É posible aínda un mundo e sociedade mellores baixo os ditames da razón ilustrada
ou esta é ad infinitum unha condena ao fracaso?
Máis.

O domingo 24, ás 20 h., 3e para soci@s / 6 para non-soci@s. Taquilla íntegra para as ilustradas.